Алаш қайраткері - Хасан Нұрмұхамедұлы

Abstract

Мақалада Алаш қайраткері Хасан Нұрмұхамедұлының өмірдеректері мен қызметі туралы баяндалған. Хасан Нұрмұхмедұлының атқарған діни, ағартушылық, әлеуметтік, қоғамдық, саяси қызметтері жан-жақты ашылды. Батыс Алашорда үкіметі мен Алаш қайраткерлерінің саяси, қоғамдық қызметтері және бірнеше Алаш тақырыбындағы еңбектер мен ғылыми мақалалар негізге алынды. ХХ ғасырдың басындағы қазақтың ұлттық идеясы болған Алаш идеясы тәуелсіздік алған алғашқы кезеңдегі Қазастанның мақсат-мүддесімен үндесіп жатыр. Рухани-мәдени кеңістіктегі Алаш қозғалысының көрнекті өкілдерінің рухтық, асқақтық, өрлік мағынасындағы еңбектеріне мән берілді. ХХ ғасырдың бірінші жартысында айдалып, атылып, ресми тарихтан, ел жадынан өшірілген Алаш қайраткерлерінің өмірі мен қызметі әлі де болса зерттеуді қажет етеді, ал жарық көрген материалдар зерделеніп, ұлттық рух, ұлттық сана қалыптастыруда өзіндік үлесін қосып келеді. Өлкеміздің Батыс аймағында жоғары және орта арнаулы діни оқу орындарын бітірген бір топ зейінді діндар азаматтар еңбек етті. Олар өздерінің туған жерлеріне оралып, ағартушылықпен айналысып, халықтың рухани талғамын арттыруға күш салып, мешіт және оның жанынан сауаттандаыру мектептерін ашып, көпшілік қауымды парасаттылыққа, имандылыққа баулуда үлгілі істер атқарды. Сонымен қатар мақалада Хасан Нұрмұхамедұлының ұрпақтарының оқу-ағарту, ғылым жолындағы қызметтеріде қарастырылды.